Ҳолливудлик актёр Жим Керри суд қилиниши мумкин

Жамият 20 Сентябрь 2016 8864

Машҳур ҳолливудлик комик актёр Жим Керрига нисбатан ариза топширилган бўлиб, унга кўра Керри 2015 йилда ҳаётдан кўз юмган маъшуқаси Катриона Уайтнинг ўлимида гумон қилинмоқда, деб хабар қилган Америка ОАВ. 

Уайт вафот этган вақтда у билан никоҳда бўлган Марк Бёртоннинг уқдиришича, айнан Керри Уайтни кучли оғриқсизлантирувчи дорилар билан таъминлаган. Катриона шу дорилар ёрдамида алалоқибат ўз жонига қасд қилган. 

Грим устаси бўлиб ишлаган Уайт 2015 йил 28 сентябрда Калифорниядаги уйида ўлик ҳолда топилганди. Судтибэкспертизаси хулосасига кўра, оғриқ қолдирувчи ва тушкунликка қарши дорилар, хусусан Эмбиэн, Пропранолол ва Перкоцет каби малҳамлардан заҳарланиш оқибатида ўлим юз берган. Бу дориларнинг барчаси шифокор рухсати билан сотилади. 

«Керри «Артур Кинг» номи остида ушбу малҳамларни ноқонуний равишда олган ва Катриона Уайтга берган», — дея даъвогар ёзган ариза матнидан нусха келтиради USA Today нашри. Даъво аризасида таъкиланишича, Керри маъшуқасининг тушкунликка тушишини ва ўзини ўлдиришга бўлган уринишларини билган. Бундан ташқари, актёр қизнинг ўлимига алоқадорлигини яширишга уринган. Эндиликда адвокатлар мазкур ишни ҳакамлар суди кўриб чиқишини талаб қилмоқда. 

Айтиш жоизки, АҚШда опийли оғриқсизлантирувчи дориларни истеъмол қилиш эпидемия ҳажмига келиб қолган: Kaiser Family Foundation томонидан ўтказилган сўровларга кўра, ҳар беш америкаликнинг бири шифокор рухсати билан сотилиши лозим бўлган шу каби дориларни истеъмол қилади.

Кун янгиликлари
Pinngle бепул мессенжери: ҳатто интернет яхши ишламайдиган ҳудудларда ҳам ишлайди
Остонага ташриф якунлари. Ўзаро муносабатларда янги саҳифа
23:30 / 23.03.2017 18924 Ўзбекистон
Қўқонда нохуш ҳодиса. Она ва фарзандлари ҳалок бўлди
21:38 / 23.03.2017 46261 Жамият
Ўзбекистонда Wi-Fi’ни бошқариш тизими ишлаб чиқилди
21:00 / 23.03.2017 8209 Технология
Блогерлар овози. Югурдакка айланган ўқитувчи
19:57 / 23.03.2017 29192 Жамият
Қўқонда ташкилотлар масъулиятсизлиги оқибатида икки навқирон йигит мажруҳ бўлиб қолди
19:40 / 22.03.2017 66087 Жамият
Японияда ўз жонига қасд қилиш ҳолатлари қанча иқтисодий зарар келтириши маълум бўлди
12:58 13 Жаҳон
Раққа учун жанг яқин кунларда бошланиши мумкин
12:57 27 Жаҳон
Россиялик тартиб посбонлари ўзбекистонлик муҳожирнинг паспортига ҳақоратли сўз ёзишди
Fazza-2017'да Ўзбекистон паралимпиячилари 4 та медални қўлга киритишди
12:51 36 Спорт
Кўпроқ янгиликлар