Тошкентда замонавий технологиялар тараққиётига бағишланган "АКТ-2016" саммити бўлиб ўтди

Жамият 20 Сентябрь 2016 3245

Тошкентда “АКТ саммити – 2016” бўлиб ўтди. Унда мамлакатимизда мазкур соҳани ривожлантиришнинг бугунги ҳолати ва соҳа олдида турган  стратегик вазифалар муҳокама қилинди. 

Ушбу саммитда давлат бошқаруви органлари мутасадди ходимлари, халқаро  экспертлар ва таҳлилчилар, мамлакатимиз ҳамда хорижий ахборот-технологиялари компанияларининг вакиллари  иштирок этишди. 

Ўзбекистон Республикаси ахборот технологиялари ва коммуникацияларини ривожлантириш вазирининг биринчи ўринбосари А.Файзуллаев ва бошқалар ахборот-коммуникация тенологияларини янада ривожлантириш ҳамда улардан фойдаланишни кенгайтириш юртимизда амалга оширилаётган ижтимоий-иқтисодий ислоҳотларнинг устувор йўналишларидан бири эканини таъкидлади. Истиқлол йилларида мамлакатимизнинг Биринчи Президенти Ислом Каримов раҳнамолигида ишлаб чиқилган дастурий ҳужжатлар мазкур соҳани такомиллаштиришда муҳим омил бўлиб хизмат қилмоқда. 

БМТнинг мамлакатимиздаги доимий мувофиқлаштирувчиси, Тараққиёт дастури вакили Стефан Приснер бу борада ЎзА мухбирига ўз фикрини баён этди: "Ахборот-коммуникация технологияларини Ўзбекистоннинг барча ҳудудларида жорий қилиш, аввало, фуқароларга қулайлик яратиш, аҳоли фаровонлигини юксалтириш, давлат органлари фаолиятининг очиқ ва ошкоралигини таъминлашга йўналтирилган. Ўзбекистоннинг халқаро рейтингларда эгаллаб турган ўрни юксалиб бораётгани ҳам бу борадаги ишлар самарадорлигини ифодалайди. Масалан, БМТнинг “электрон ҳукумат” тизимини ривожлантириш даражаси бўйича шарҳида Ўзбекистон 20 поғонага кўтарилиб, 193 давлат орасида 80-ўринни эгаллади. Иккинчи асосий кўрсаткич – электрон иштирок позицияси бўйича мамлакатингиз 24 поғонага кўтарилиб, 47-ўринни банд этди".  

Тадбирда ҳозирги кунда Ўзбекистон дунёда “электрон ҳукумат” тизимини изчил ривожлантираётган ўн мамлакат қаторига қўшилгани таъкидланди. Самарали ахборот-коммуникация технологиялари инфратузилмасини, хусусан, ахборот тизимлари ва маълумотлар базалари мажмуаларини яратиш соҳани янада такомиллаштиришда муҳим ўрин тутаётганлиги айтилди. Айни пайтда бир қатор ана шундай мажмуалар фойдаланишга топширилди. Магистрал, ҳудудий ва станциялараро алоқа турлари оптик-толали линиялар орқали таъминланмоқда. Маълумотлар узатиш магистрал тармоғининг модернизация қилиниши ахборотнинг халқаро йўналиш бўйича ўтиш тезлигини 10, вилоят марказларигача 4 ва туман марказларигача 10 баробар  ошириш имконини берди.  

Саммитда ахборот хавфсизлигини таъминлаш масалалари кўриб чиқилиб,  ахборот-коммуникация технологиялари соҳасида бизнес юритиш истиқболлари, рақамли технологияларни ривожлантириш бўйича жаҳонда кузатилаётган тенденциялар муҳокама  этилди. 


 

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 12241 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 26218 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 46261 Жамият
Кун.uz офис изламоқда
15:48 / 06.08.2017 47312 Lifestyle
Ўзбекистон ва Қозоғистон ўртасида биринчи марта Ҳарбий ҳамкорлик режаси имзоланди
АҚШда ўлмайдиган бактериялар солинган ҳаво шарлари учирилади
15:18 38 Жаҳон
22 август куни Ўзбекистонда ҳаво ҳарорати юқори бўлади
АҚШ элчихонаси россияликларга виза беришни тўхтатади
14:53 1372 Жаҳон
Брюсселда автомобилни пиёдаларга қарата ҳайдаб боришга уринган ҳайдовчи ушланди
14:03 1646 Жаҳон
Комилов Деҳлида Ҳиндистон фан ва маданият арбоблари билан учрашди
Кўпроқ янгиликлар