Ҳолливудлик таниқли комик актёр Жим Керрининг фикрича, бир йил аввал вафот этган собиқ маъшуқаси Катриона Уайтнинг ўлимида уни айблаш, вазиятдан фойдаланиб қолишдир, деб ёзмоқда People журнали.

Уайтнинг турмуш ўртоғи Марк Бертон Керрига нисбатан даъво аризаси топшириб, уни Уайтни турли хил гиёҳванд дори воситалари билан таъминлаганликда айблаганди. Бертонга кўра, Керри "Перкосет", "Амбиен" ва "Пропранолол" каби дориларни "Артур Кинг" номи остида олган ва сўнгра уларни Уайтга берган. Керри, гарчи Уайтнинг тушкунликка тез берилиши ва жонига қасд қилиш нияти борлигини билган бўлса-да, шундай йўл тутган. 

"Мен ўзимдан ва ёки мен севган аёлдан фойдаланишларига йўл қўя олмайман, бунга сабр ҳам қила олмайман. Кэт билан учрашувимиздан олдинроқ унда муаммолар бўлган. Афсуски, унинг фожиали ўлимини ҳеч ким тўхтатиб қола олмади", — дея актёр сўзларини келтиради нашр. 

Керри ўз шаънига нисбатан даъволарни "даҳшатли шармандалик" деб атаган ва бўлиб ўтган воқеадан "кимдир фойдаланиб қолишга барҳам беришига" умид билдирган. 

Бир йил муқаддам, Калифорния полицияси Катриона Уайтнинг жасадини унинг уйида топишган эди. ОАВ Катриона ўлимидан бир неча соат аввал Керри билан муносабатларига чек қўйган. Бу вақтда Уайт аслида Марк Бертон билан қонуний никоҳда бўлган.