Жорий йилда IUT тайёрлов курслари тингловчиларининг 82 фоизи университетларга ўқишга кирди

Жамият 20 Сентябрь 2016 2911

Тошкент шаҳридаги Инҳа университети (IUT) қошидаги узлуксиз таълим марказида кириш имтиҳонларини муваффақиятли топширган ва олий ўқув юртларига, жумладан IUTга, кирган талабаларни тақдирлаш маросими бўлиб ўтди. Узлуксиз таълим маркази менежери Амирулла Абдуллаев ўтган ўқув йили натижаларини эълон қилди. Бу ҳақида IUT’нинг расмий сайтида маълум қилинди.

Манбага кўра, ўтган йили тайёрлов курсларига 320 нафар ёшлар рўйхатдан ўтган ва уларнинг 145 нафаригина якуний имтиҳонларда иштирок этиш ҳуқуқини қўлга киритишган. Якуний имтиҳонларга ўзи устида қаттиқ ишлаган тингловчиларгина етиб келишгани таъкидланган. Якуний натижаларга кўра, имтиҳонларни муваффақиятли топширган 45 нафар тингловчи Тошкент шаҳридаги Инҳа университети талабасига айланди. 

Шуни таъкидлаш керакки, фақатгина тайёрлов курси тингловчилари кириш имтиҳонларини топширмасдан IUT талабасига айланиши мумкин. Тайёрлов курсларининг якуний имтиҳонларида камида 60% баҳо олган ёки курсларнинг 30% энг яхши тинловчилари орасига кирганлар IUT талабасига айланишади. Шу билан бирга улар грантлар учун курашиш туфайли кириш имтиҳонида иштирок этиш ҳуқуқини сақлаб қолишади.

Жорий йилда 45 нафар муваффақиятли тингловчи кириш имтиҳонларидан аввал IUT талабасига айланди. Улардан 32 нафари “Компьютер инжиниринг ва Дастурий инжиниринг” (SOCIE) йўналишига ҳамда 13 нафари “Логистика” йўналишига қабул қилинди. Шу билан бирга уларнинг 9 нафари касб-ҳунар коллежлари ва академик лицейларнинг 1- ва 2-курсларида таълим олишади. Улар коллеж ва лицейдаги ўқишларини якунлагач, IUTга имтиҳонсиз қабул қилинади.

Амирулла Абдуллаевнинг айтишича, бу йил тайёрлов курсларининг 82% тингловчиси олий ўқув юртларига кириш шарафига муяссар бўлган. Улардан 61% эса IUT талабасига айланган. Унинг сўзларига кўра, 145 нафар тингловчидан 118 нафари инглиз тили бўйича IELTS имтиҳонларини муваффақиятли топширган. Улар IELTS имтиҳонида ўртача 6 ёки ундан юқори баҳо олган.

Тақдирлаш жараёнида IUT вакиллари Тошкент шаҳридаги Инҳа университетига қабул қилинганликлари ҳақидаги сертификатларини тингловчиларга топширишди. Тўққиз нафар тингловчи эса лицей ва коллежни битирганидан кейин IUTда ўқиш ҳуқуқига эга эканлигини тасдиқловчи хат олди
.
Ҳозирда узлуксиз таълим маркази икки йиллик тайёрлов курсларига тингловчиларни рўйхатдан ўтказмоқда. Ўтган йиллар тажрибаси шуни кўрсатмоқдаки, математика ва физикадек мураккаб фанларга тайёргарлик кўриш учун бир йил етарли эмас. Инглиз тилини ҳам яхши ўзлаштириш учун кўпроқ вақт керак. Шуни таъкидлаш керакки, ёшлар IUTга ўқишга кириши учун тайёргарликни коллеж ёки лицейнинг 1- ёки 2- курсидан бошлаши керак.

 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 101698 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 48296 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52684 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9753 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20449 Ўзбекистон
АҚШ ИШИДни мағлуб қилгандан кейин Сурияни тарк этишга ваъда берди 
08:05 654 Жаҳон
Барселонадаги терактга алоқадор бўлган барча террорчилар йўқ қилинди
07:52 542 Жаҳон
Трампни руҳшуносга юбориш таклиф этилди
07:32 1303 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2132 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 764 Жамият
Кўпроқ янгиликлар