Bentley компанияси Bentayga моделининг дизелли намунасини намойиш қилди. Британияликларнинг таъкидларича, янги модель шундай двигателга эга энг тезкор йўлтанламасга айланган. 

Дизелли Bentley Bentayga 4 литрли, уч карра кучайтирилувчи V8 моторига эга. Бу куч агрегати илк бор «кучайтирилган» Audi SQ7 йўлтанламасига жойланган эди.

Компанияда қайд этишларича, двигатель одатдаги Bentayga машинасига ўрнатилувчи  608 от кучига эга W12 бензинли моторидан атиги 3 кг оғирроқ бўлган.

Дизелли двигатель иккита турбина ва қуйи айланиш диапазонида кучсизликнинг ўрнини тўлдириши керак бўлган электрли кучайтиргичга эга. 

Компрессор 7 кВт/соатлик, 48 вольтлик тизимдан қувватланувчи электр мотор билан ишга туширилади. 

Audi SQ7 каби унинг мотори ҳам дақиқасига 900марта айланганида 435 от кучига эга бўлади. 

Янги Bentayga илк «юзлик»ка 4,8 сонияда чиқа олади. Бу Audi SQ7 кўрсаткичидан 0,1 сонияга тезроқдир. Унинг энг юқори тезлиги соатига 270 кмни ташкил этади. Audi SQ7 моделига соатига 250 кмдан сўнг, тезлик чекловчи ўрнатилган. Таққослаш учун, бензинли Bentley Bentayga жойидан 100 км тезликка чиққунича 4,1 сонияни сарфлайди. Унинг юқори тезлиги соатига 301 кмга тенг. 

Дизелли Bentley Bentayga Европада 2017 йил январда сотила бошланади. Кейинроқ, Австралия, Янги Зеландия, ЖАР ва Россия бозорларида пайдо бўлади.