Ҳолливуд юлдузи Брэд Питт гиёҳванд моддалар ва алкогол таъсирида тез жаҳли чиқиб туриши ойдинлашди. Шунга мувофиқ унинг рафиқаси Анжелина Жоли у билан ажрашаётганининг асосий сабаби ана шунда эканлигини айтиб ўтган. Бу ҳақда TMZ янгиликлар ресурси маълум қилган.

TMZ бу маълумотларни Питтга алоқаси бўлган манбадан олган. Улар актриса томонидан қўйилган айбловларни “қуруқ сафсата” деб аташган. "Брэд – ўз болаларини ҳеч қачон хавфга қўймаган ва қўймайдиган отадир", - дейилади манбалар берган маълумотда.

Аввалроқ маълум қилинганидек, таниқли юлдузлар  Анжелина Жоли ва Брэд Питт жуфтлиги ўн бир йиллик муносабат ва икки йил қонуний никоҳдан сўнг  ажрашаётгани, актриса  олти фарзандни ўз қарамоғига олишни сўраётгани ҳақида хабар берилган эди.