Вашингтон Киевга 1 млрд долларлик кредит кафолати беради

Иқтисодиёт 21 Сентябрь 2016 2401

АҚШ вице-президенти Жо Байден Украина президенти Порошенко билан БМТ Бош Ассамблеяси 71-сессияси доирасида ўтказган учрашувида Америка ҳукумати Киев маъмуриятига 1 млрд долларлик кредит кафолати беришга тайёрлигини билдирди, деб хабар қилмоқда Украина президенти сайти. 

«Вице-президент Байден Украинага 1 млрд долларлик кредит кафолати беришга тайёрлигини билдирди. Чунки, Украина бунинг учун зарур барча шартларни бажарган», — дейилади хабарда.

Шу муносабат билан Порошенко Украинага ХВЖнинг учинчи траншини ўтказишнинг муҳимлигини қайд этиб, ислоҳотларни давом эттириш борасида қатъятини таъкидлаган. 

Сиёсатчилар шунингдек, Донбассдаги вазият ва Минск келишувларининг ижросини ҳам муҳокама этишган. 


 

Кўпроқ янгиликлар