Бошқирдистон раҳбари Европанинг энг йирик масжидига миллиардлаб пуллар ажратишга ваъда берди

Жаҳон 22 Сентябрь 2016 8506

Бошқирдистоннинг собиқ раҳбари, "Урал" хайрия жамғармаси раиси Муртазо Раҳимов республика раҳбари Рустем Хамитовнинг "Ар-Раҳим" масжиди қурилишини якунлашда ёрдам бериш таклифига жавоб берди.

Уфада қад ростлаётган масжид Европадаги энг катта масжид сифатида эътироф этилмоқда. 

"Бу мақсадлар учун ҳаммаси бўлиб 1,45 млрд рублдан кўпроқ пул ажратилган. Бугунги кунда жамғарма томонидан қурилишни молиялаштириш тўхтатилган. Бунинг сабаби – қурилиш буюртмачиси – Бошқирдистон Республикаси мусулмонлар диний бошқармаси томонидан ажратилган хайрия маблағларининг мақсадга мувофиқ ишлатилмаслиги, унинг қиммат нархдаги импорт материаллардан воз кечишни истамаслигидир", деб айтилди "Урал" сайтида.  

Қурилишни молиялаштиришдан бош тортиш ҳақидаги расмий баёнот "Урал"нинг сайтида 18 августда жойлаштирилган. Бироқ 5 сентябрда Хамитов масжидни қуриб битказишда ёрдам бериш таклифи билан чиқди.  

"Бу улкан ва қимматбаҳо қурилиш эканини англаш керак. 25 минг квадрат метр майдонда иншоот қуриш бугунги кунда камида 2-2,5 млрд рублни ташкил қилади. Ҳозирда объект тахминан ярмига қуриб битказилган. Бироқ бу иморатнинг ўзи. Бундан ташқари, йўл, кўприк қуриш, жамоат транспортини йўлга қўйиш керак. Гап яна бир неча миллиард рубль ҳақида кетмоқда", деб айтган Хамитов.  

Хамитовнинг айтишича, "ҳукуматга ҳозирча қурилишни ўз зиммасига олиш ва уни охиригача етказиш илтимоси билан ҳеч ким мурожаат қилмаган".

Бугун Раҳимов жамғармаси бу таклифни қабул қилгани маълум бўлди. 

"Барпо этилаётган объект республика учун ҳам, бутун мусулмон дунёси учун ҳам жуда муҳим. Биз яқинда берган интервьюмизда масжид қуриб битказилиши ва республика, мамлакат ва бутун дунё диндорлари ихтиёрида бўлиши учун максимал даражада кучимизни беришимизни айтгандик. Биз ўз томонимиздан сизнинг истагингизни қўллаб-қувватлаймиз ва республика ҳукумати Жомеъ масжидни барпо қилишни эътиборсиз қолдирмайди, деб умид қиламиз", деб айтилган "Урал" сайтида чоп этилган, республиканинг амалдаги президентига биринчи президенти йўллаган мурожаатда.   

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20300 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23678 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12126 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13111 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42391 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53525 Жамият
Кун.uz офис изламоқда
15:48 / 06.08.2017 48049 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 297 Жаҳон
Мактаб ва поликлиникалардаги бухгалтериялар қисқартирилади
17:57 752 Жамият
КХДР Гуам оролига уюштириладиган тахминий ҳужум  видеосини тақдим этди
17:55 729 Жаҳон
Кўпроқ янгиликлар