Бухоро вилоятининг собиқ ҳокими раҳбарлик лавозимига қайтди

Ўзбекистон 22 Сентябрь 2016 57023

Бухоро вилоятининг собиқ ҳокими Самойдин Ҳусейнов исми шарифи яна маҳаллий матбуотда пайдо бўла бошлади. Ўзбекистон фахрийларини ижтимоий қўллаб-қувватлаш «Нуроний» жамғармасининг Бухоро вилояти кенгашига Самойдин Ҳусейнов раис этиб сайланган. Бу ҳақда nuz.uz хабар берди.

Вилоятнинг собиқ ҳокими тўғрисида маҳаллий матбуот 5 йилдан буён ҳеч нарса ёзмаганди. У 2011 йилда Ўзбекистоннинг биринчи президенти Ислом Каримов қарори билан лавозимидан озод қилинганди.

Ҳусейновни «Нуроний» жамғармасининг Бухоро вилояти кенгашига раис этиб сайлаш қарори якшанба куни ўтказилган кенгайтирилган йиғилиш вақтида қабул қилинган. У бу лавозимда кўп йиллардан буён ишлаб келган Юсуф Қурбонов ўрнида иш бошлайди.

Маҳаллий нашрларнинг ёзишича, ҳадемай саксон ёшни қаршилайдиган Қурбонов "бошқа ишга ўтиши муносабати билан" ўз лавозимидан озод этилган.

Қайд этилишича, йиғилишда вилоятнинг ҳозирги ҳокими Муҳиддин Эсанов ҳам иштирок этган. У биринчи навбатдаги вазифалар ҳақида гапира туриб, Ўзбекистон президенти вазифасини вақтинча бажарувчи Шавкат Мирзиёевнинг Олий Мажлис Қонунчилик палатаси ва Сенатининг 8 сентябрь куни бўлиб ўтган қўшма мажлисидаги вақтида айтиб ўтган фикрларини келтирган.

Эслатиб ўтиш жоизки, Самойдин Ҳусейнов 1996 йилдан 2011 йилгача 15 йил давомида Бухоро вилоятига раҳбарлик қилган. У Ислом Каримов томонидан коррупция ва уруғ-аймоқчиликка боғлиқ можаролар фонида лавозимидан олинган, унинг ўрнида Муҳиддин Турдиевич Эсанов иш бошлаганди.

Кун янгиликлари
Ўзбекистон туроператорларига валюта қабул қилишга рухсат берилди
16:33 / 16.01.2017 43717 Ўзбекистон
Энг бадавлат 8 ишбилармон бойлиги дунё аҳолиси ярмининг маблағига тенг
12:58 / 16.01.2017 35021 Жамият
Ўзбекистонда чироқ ва газ масаласига жавобгар амалдор президентдан қаттиқ гап эшитди
12:55 / 16.01.2017 94337 Ўзбекистон
Президент Рустам Азимовни танқид қилди
10:20 / 16.01.2017 108238 Ўзбекистон
Сирғали автомобиль бозоридаги миллий ва хорижий автомобиллар нархи эълон қилинди
ХВФ: 2017-2018 йиллардаги иқтисодий фаоллик тезлашиши кутилмоқда
23:50 / 16.01.2017 2101 Иқтисодиёт
Филиппин Хитойга норозилик билдирди
23:41 / 16.01.2017 2207 Жаҳон
Ўзбекистон ва Россия бош прокурорлари икки томонлама ҳамкорликни муҳокама қилдилар
23:24 / 16.01.2017 2955 Ўзбекистон
Хитой иқтисодиётнинг ўсиш суръатлари бўйича Ҳиндистондан ўзиб кетди
22:51 / 16.01.2017 2792 Иқтисодиёт
ОАВ: Гитлер Аргентинага қочган бўлиши мумкин
22:31 / 16.01.2017 15226 Жаҳон
Кўпроқ янгиликлар