McLaren автомобилсозлик компанияси Apple билан музокаралар олиб бораётганини инкор қилди

Технология 22 Сентябрь 2016 1717
Фото: Getty Images

Буюк Британиянинг спорт автомобиллари ишлаб чиқарувчи McLaren компанияси ўз бизнесини сотиш бўйича Apple компанияси билан музокаралар олиб бораётгани ҳақидаги ахборотни инкор қилди.  

"Биз McLaren Apple билан қандайдир мумкин бўлган инвестициялар ҳақида музокаралар олиб бормаётганини тасдиқлашимиз мумкин", деб айтди компания вакили. Шу билан бирга, у McLaren "турли томонлар билан махфий учрашувлар" ўтказиб туришини таъкидлаб ўтди.  

21 сентябрда Financial Times нашри ўз манбаларига иқтибос келтирган ҳолда Apple бир неча ойдан бери McLaren’ни сотиб олиш бўйича музокаралар олиб бораётганини маълум қилган. 

Нашрнинг таъкидлашича, Apple ҳеч қачон автомобиль ишлаб чиқариш ниятидалигини маълум қилмаган бўлсада, 2016 йил бошида эҳтимолий лойиҳа учун apple.car ва apple.auto каби бир нечта домен номларини рўйхатдан ўтказгани маълум бўлган. 

2016 йил бошларида Apple Хитойнинг такси чақириш хизмати Didi Chuxing’га миллиард доллар сармоя киритганди.

McLaren Automotive автомобиль ишлаб чиқариш компанияси McLaren Technology Group’нинг бир қисми ҳисобланади. McLaren Technology эгалари McLaren Automotive’нинг 80 фоизини назорат қилади. McLaren спорт автомобилларининг нархи миллион долларга яқин туради. 2015 йилда компания 1654 та автомобиль ишлаб чиқариб, 450 млн фунт стерлинг тушум олган.  

Кун янгиликлари
Давлат ва ОАВ: Ахборот майдонида ҳаммага тенг шароит яратилиши керак
22:00 / 16.08.2017 6768 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 56875 Жаҳон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 37861 Ўзбекистон
Кун.uz офис изламоқда
15:48 / 06.08.2017 38835 Lifestyle
Диққат, огоҳ бўлинг! «Мен Мажбурий ижро бюросиданман»
11:10 364 Жамият
Асака туманида тергов идорасидан яшириниб юрган шахс қўлга олинди
11:09 149 Жамият
Ахборот технологиялари вазирлигининг ҳарбий хизматчилари суғурталанади
Хорижлик сайёҳлар учун виза тартиботлари босқичма-босқич соддалаштирилади
Солиқ ва молия органлари раҳбарларига устама ҳамда жарималар миқдори тасдиқланди
«Барселона»: Биз улар билан шартнома имзолашга яқинмиз
10:56 1120 Спорт
Кўпроқ янгиликлар