Халқаро олимлар гуруҳи семизликка генетик мойилликни парҳез ёки жисмоний машқлар билан бартараф этиш мумкинлигини аниқлади. Парҳезшунослар ўз хулосаларини British Medical Journal'даги мақолада баён қилишди

Олимлар 10 минг киши иштирок этган саккиз тадқиқотни таҳлил қилиб, ортиқча вазннинг юқори хавфи FTO генининг турларидан бири билан боғлиқ эканлигини аниқлашди. 

Мазкур ген турига эга озиш дастури иштирокчилари бундай гени мавжуд бўлмаган кишиларга қараганда бир неча килограмм оғирроқ бўлишган. Шунга қарамай, улар ортиқча вазндан бирдек осонликча халос бўлишган. Метатаҳлил натижалари жисмоний фаоллик, парҳез ёки дори-дармон генетик шартли ва оддий семизлик билан курашишда бирдек самарали эканлигини кўрсатди. 

Жаҳон соғлиқни сақлаш ташкилоти маълумотларига кўра, 2014 йилда дунёнинг 1,9 миллиард нафар катта ёшли кишиси ортиқча вазнга эга бўлган. Уларнинг орасида 600 миллиондан ортиқ киши семизликдан азият чеккан. Мутахассисларнинг сўзларига кўра, касалликнинг бундай кенг тарқалишига генлар эмас, атроф-муҳитдаги турли омиллар сабабчи. 

Семизлик саратон касаллиги ривожининг юқори хавфи ва юрак-қон томир тизимининг бузилишига олиб келади.