Disney киностудияси бош директори Роберт Айгер компания 2020 йилгача "Юлдузлар жанглари" фильмининг янги қисмини чиқармоқчи эканлигини тасдиқлади, деб хабар бермоқда The Guardian нашри.

Айгер Goldman Sachs Communacopia анжуманидаги нутқида компания фильм устида ишлаш учун сценарийнависни ёллаганини маълум қилган. Таъкидланишича, фильм "Якка қувғинди: Юлдузлар жанглари. Воқеалар" деб номланган ҳамда 2016 йил декабрига чиқиши режалаштирилган фильмдан бошланадиган сериянинг учинчи қисми бўлади. 

Айгер серия "Юлдузлар жанглари" муваффақиятини қайтара олишига умид қилмаяпти, бироқ фильмга қизиқиш " Юлдузлар жанглари: Кучнинг уйғониши" каби юқорилигини таъкидлаб ўтди.