18:40 / 23.09.2016
11448

Italiyalik avtopoygachi Xitoydagi tog‘ tepasidan rekord tezlikda tushdi

Italiyalik avtopoygachi Fabio Barone yer yuzidagi eng xavfli trassalardan biri bo‘lmish Tyanmen tog‘idagi yo‘ldan tezlikda tushish bo‘yicha rekord o‘rnatdi.

U 11 kilometrli tog‘ yo‘lidan 10 daqiqa-yu 31 sekundda tushdi. Trassa 99 burilimlardan iborat bo‘lib, dengiz sathidan 200dan 1300 metrgacha bo‘lgan balandlikda joylashgan.

Boshqaruvida Fabio Barone bo‘lgan Ferrari mashinasi ushbu safarga maxsus tayyorlandi. Undagi metall detallarning ayrimlari ugleplastika bilan almashtirildi.
Fabio Barone uchun bu tavakkalchilik birinchisi emas. U joriy yilning avgust oyida Ferrari 458 mashinasi bilan Ruminiyaning Transfegereshan tog‘li trassasidan o‘rta tezlikda tushish bo‘yicha rekord o‘rnatgan edi.

 

Top