Россия ва АҚШнинг Сурия бўйича келишуви асосий бандлари ошкор этилди

Жаҳон 23 Сентябрь 2016 14519

Associated Press агентлиги АҚШ ва Россиянинг Сурия бўйича келишувлари тўпламига кирувчи ҳужжатни эълон қилди. Қуйида унинг асосий жиҳатларини ҳавола қиламиз. 

«Россия ва АҚШ (келгусида — томонлар) Ҳалаб ҳудудида алоҳида қатъиятлик кўрсатиб, Суриядаги вазиятни барқарорлаштириш учун қўшма чоралар кўриш ниятида. ИШИД, «Жабҳат ан-Нусра» ва ҳақиқий мухолифат чегараларини белгилаб олиш, шунингдек, мухолифатни «Жабҳат ан-Нусра»дан ажратиш асосий вазифадир», — дейилади ҳужжатда. 

Кейинги бандларда, томонлар сулҳ муддати ва унинг бошланиш шартларини ҳамда Кастелло йўлидан хавфсиз фойдаланиш тартибини йўлга қўйиш чораларини аниқлаб олишган.
 
Хусусан, ҳукумат ва мухолифат кучларини ортга олиб кетиш масаласига ойдинлик киритилган. Ҳужжатга кўра, томонларнинг ҳеч бири рақиб томон ташлаб кетган ҳудудни эгаллашга ҳақли эмас. Чунки, бу ерлар ҳарбийсизлаштирилган ҳудудларга айлантирилади. 

Томонлар, Сурия армияси ва мухолифат кучларининг мажбурият ва имкониятлари хусусида ҳам келишиб олган. 

«Мухолифат «Жабҳат ан-Нусра» кучларининг ҳарбийлардан холи ҳудудни эгаллаб олмаслиги учун барча чораларни кўради», — дейилади ҳужжат матнида. 

Бундан ташқари, Ҳалабни Кастелло йўли бўйича тарк этишни истаган барча сурияликлар, шу жумладан ҳақиқий мухолифат аъзолари ҳам барча қурол аслаҳалари ва оғир техникасини ҳам олган ҳолда чиқиб кетиши мумкинлиги таъкидланган. 

Шу билан бирга, АҚШ ва Россия Қўшма ижроия марказни ташкил этиши кўзда тутилган. Бу ерда, икки томон ҳарбийлари террорчиларга зарба бериш бўйича амалиётларни мувофиқлаштириш ишларини олиб боради. 

9 сентябрь куни АҚШ давлат котиби Жон Керри ва Россия ТИВ раҳбари Сергей Лавров Женевада бўлиб ўтган учрашувида, Сурия масаласида беш тўпламдан иборат келишув шартларини қабул қилган эди. 

Россия ТИВ расмий вакили Мария Захарова ўша ҳужжатлардан бирининг ошкор этилишини «бу америкалик ҳамкасблар услубида» дея изоҳлаган.

Эслатиб ўтамиз, Россия келишувларнинг барчасини ошкор қилишни ёқламоқда. 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20300 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23678 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12126 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13111 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42391 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53525 Жамият
Кун.uz офис изламоқда
15:48 / 06.08.2017 48049 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 297 Жаҳон
Мактаб ва поликлиникалардаги бухгалтериялар қисқартирилади
17:57 752 Жамият
КХДР Гуам оролига уюштириладиган тахминий ҳужум  видеосини тақдим этди
17:55 729 Жаҳон
Кўпроқ янгиликлар