Эстонияда президентлик сайлови бугун – 24 сентябрда, Таллинда йиғиладиган сайловчилар Коллегиясида бўлиб ўтади.

Эстонияда билвосита президентлик сайлови икки босқичли тизимда ўтказилади. Аввал давлат раҳбарини аниқлашга парламент ҳаракат қилади, агар бу ерда овозлар етарли бўлмаса, унда сайловчилар Коллегиясида номзодни аниқлашга киришилади.

Мамлакат парламентида уч турдан иборат овоз беришда давлат етакчиси ким бўлишига ойдинлик киритилмади. Шунга мувофиқ, овоз бериш сайловчилар Коллегиясида давом эттирилади. Ушбу Коллегияда парламентнинг 101 депутати, маҳаллий бошқарув органларининг 234 нафар вакили – жами 335 киши фаолият юритади.

Эслатиб ўтамиз, Эстония президентлиги учун овоз беришлар беш нафар номзод ўртасида бўлиб ўтмоқда.