KXDR sharqidagi Vonsan shahri Galma aeroporti hududiga 200 mingdan ortiq odam to‘plandi. 24 sentabrdan boshlab bu yerda mamlakat tarixidagi ilk aviashou bo‘lib o‘tmoqda.
Vonsan aviashousi Amerikada ishlab chiqilgan Hughes 500 vertolyotining parvozi bilan boshlandi. Ushbu ko‘pmaqsadli uchar mashinalar Koreya xalq armiyasi safida turadi. Aviashouga asosan KXDR tomonidan xarid qilingan Rossiya samolyotlari Tu-154, Tu-134, Il-18 samolyotlari qo‘yilgan.
Tomoshabinlar orasida MiG-29 va Su-25 qiruvchi samolyotlari ko‘proq qiziqish uyg‘otgan. Tashkilotchilarning TASS agentligiga ma'lum qilishlaricha, mamlakat yetakchisi Kim Chen In uchuvchilarga ko‘rsatgan mahoratlari uchun minnatdorchilik bildirgan.
