Миср атроф-муҳитни муҳофаза қилиш масалалари бўйича вазири Холид Фаҳмий сайёҳларни акулалар хавфидан огоҳлантирди, деб хабар бермоқда Youm7.

Вазир Қизил денгиз бўйидаги Шарм-ал-Шайх курорт шаҳри ҳудудида олинган ва ижтимоий тармоқларда тарқалган қисқа видео юзасидан хавотир билдирди. Видеода ҳимояга эга бўлмаган дайвер-сайёҳлар катта акулани тақиб қилишгани тасвирланган.

Фаҳмийнинг айтишича, бу одамлар узунқанотли акулалар туридаги йиртқич билан ўйнашиб, "фаросатсизлик" қилишган. Бу турдаги акула одамлар учун хавфли ва жуда ҳам тажовузкордир.