Украина президенти  Пётр Порошенко фейсбукда "Луч" конструкторлик бюросини янги моделдаги бошқарилувчи ракета синовларини муваффақиятли ўтказгани билан табриклади. 

Порошенко украиналик ҳарбийлар 2,5 йил ичида ўнлаб янги қурол-аслаҳа намуналарини олганларини таъкидлаб ўтди.  

"Биз эндигина Украина қуролли кучларини техник модернизация қилишни бошладик. Олдинда қиладиган ишлар кўп!", деб айтди Порошенко.

Августда Украинада ишлаб чиқарилган ракета мажмуаси синовдан ўтказилган вақтда Украина хавфсизлик кенгаши котиби Александр Турчинов Украина ракеталарининг Россияникидан устунроқ эканини айтган.

"Россияда ишлаб чиқарилган ракеталардан фарқли ўлароқ, Украина ракеталари бошқарилади ва айнан шунинг учун нишонларни самаралироқ ва аниқроқ уради, бу эса синовлар вақтида исботланди", деб айтган Турчинов.

Кейинроқ Турчинов "Укроборонпром" мудофаа концернининг вазифаси қурол-аслаҳа жаҳон бозорига чиқиш ҳисобланишини айтган.