Москванинг "ЦСКА" клуби Россия чемпионатининг 8-турида ўз майдонида "Краснодар" билан 1:1 ҳисобидаги дуранг натижа қайд қилди.

Армиячилар сафида Ласина Траоре 3-дақиқадаёқ рақиб дарвозасини ишғол қилишга муваффақ бўлди. Меҳмонлар сафида эса Федор Смолов 15-дақиқада жавоб тўпини киритди. "Краснодар" ҳужумчиси жорий мавсумда чемпионатдаги 8-голини киритди ва бу натижа билан тўпурарлар рўйхатини бошқармоқда. 

Ҳамюртимиз Одил Аҳмедов "Краснодар"нинг асосий таркибида майдонга тушиб, ўнг қанот ярим ҳимоясида 73 дақиқа тўп сурди ва сўнгра алмаштирилди.

Мусобақа жадвалида "ЦСКА" 18 очко билан 2-ўринни, "Краснодар" эса 12 очко билан 5-ўринни эгалламоқда.

Кейинги турда "ЦСКА" меҳмонда 2 октябрда "Ростов" билан ўйнайди, "Краснодар" эса шу куни ўз майдонида "Рубин"ни кутиб олади.

Иккала клуб ҳам еврокубок мусобақаларида иштирок этмоқда. "ЦСКА" 27 сентябрда Чемпионлар Лигасида ўз майдонида "Тоттенхэм"ни, Одил Аҳмедов жамоаси "Краснодар" эса Европа кубогида 29 сентябрда ўз майдонида "Ницца"ни қабул қилади.

 

манба:tribuna.uz