Вашингтон штатидаги савдо марказида бўлган отишмада бир неча киши ҳалок бўлди. Бу ҳақда штат полицияси маълумотига асосланиб, ABC News телеканали хабар бермоқда. 

Сўнгги маълумотларга кўра, ҳужум қурбонлари сони уч нафарни ташкил этмоқда. Яна икки нафар киши жароҳат олган.

Komo News телеканали гувоҳларга асосланиб хабар беришича, қуролланган эркак Берлингтон шаҳридаги Cascade Mall савдо марказига кирган ва ўт очган.

Тахминларга кўра, жиноятчи лотин америкалик бўлган. Полиция савдо марказидан чиқиб, I5 автомагистрали томон ҳаракатланган жиноятчини қидириш ишларини бошлаб юборган.