АҚШнинг Вашингтон штатидаги Берлингтон шаҳрида жойлашган Cascade Mall савдо марказидаги отишма қурбонлари сони 5 кишига етди, деб хабар бермоқда ABC News телеканали. 

Таъкидланишича, отишма қурбонлари 4 аёл ва бир эркак бўлган. Эркак Сиэтлнинг шифохоналаридан бирида, аёллар эса воқеа жойида вафот этганлар. 

Полицияда жиноятчи бир ўзи ҳаракат қилган деб ҳисобланмоқда. Ўз навбатида, АҚШ Федерал қидирувлар бюроси отишма террорчилик билан алоқаси борлигига бирорта тасдиқ йўқлигини айтди.

Айни вақтда полиция жиноятчини қидиришни давом эттирмоқда.