"Ливерпуль" жорий мавсумнинг дастлабки 8 ўйинида рақиб жамоалар дарвозасига 24 та тўп киритиб, охирги 121 йил ичида мавсум бошида урилган тўплар миқдори бўйича ўзининг энг яхши натижасини кўрсатди. Клуб учун бу кўрсаткич бўйича энг сермаҳсул мавсум 1895/96 йиллардаги мавсум бўлиб, ўшанда жамоа дастлабки 8 учрашувда 34 та гол киритганди.

Юрген Клопп жамоаси Англия чемпионатининг 6-турида ўз майдонида "Халл Сити"ни 5:1 ҳисобида тор-мор этди ва 13 очко тўплаб, мусобақа жадвалида 4-ўринни эгалламоқда. Клуб ҳисобида чемпионатда айни вақтда 16 тўп бор.