Вашингтон штати, Берлингтон шаҳридаги савдо марказида ўт очиб, 5 кишининг ўлимига сабаб бўлишда гумон қилинаётган шахс Туркиядан келган муҳожир Аркан Четин экани айтилмоқда. Бу ҳақда KIRO 7 телеканали хабарида айтилган.

Оук-Харбор шаҳарчасида истиқомат қилиб келган 20 ёшли бу йигитни жиноята ундаган сабаблар ҳозирча аниқланмади. У душанба куни Скаджит округида суд қилиниши кутилмоқда.

У 18 ёшида кўчадаги жанжал учун судлангани, лекин жазоланмагани маълум. У руҳий экспертизадан ўтказилади.

24 сентябрь оқшомида Сиетл шаҳридан 105 км шимолдаги Берлингтон шаҳрида, Cascade Mall шаҳрида отишма оқибатида 4 аёл ва бир эркак ҳалок бўлди.

Аввалги хабарларда жиноятчи тахминан Лотин Америкаси вакили экани ва ов милтиғи билан қуроллангани айтилганди.

У 24 сентябрь куни маҳаллий вақт билан соат 19:00да қўлга олинган.