Бутунжаҳон соғлиқни сақлаш ташкилоти ўтказган тажриба натижасида сайёрамизнинг 92 фоиз аҳолиси ифлосланган ҳаводан нафас олиши маълум бўлди.

«Ҳавонинг ифлосланиши иқтисодиёт ҳолати ва инсонлар турмуш сифатига таъсир кўрсатган ҳолда таҳдидли кўринишда ўсиб бормоқда. Бу соғлиқни сақлаш учун фавқулодда ҳолат», — дейилади БССТ маърузасида.

Нафақат Хитой ва Ҳиндистонда, балки кўплаб Европа мамлакатларида ҳавонинг таркибида зарарли заррачаларнинг мавжудлиги БССТ стандартларига тўғри келмайди.

Ташкилот маълумотига мувофиқ, Ер аҳолисининг 80 фоизидан кўп қисми ҳаддан зиёд ифлосланган ҳудудларда истиқомат қилади. Бу эса БССТда муқобил ҳолат чегарасидан чиқиш ҳисобланади.