Facebook ижтимоий тармоғига WhatsApp мессенжерининг Германиядаги фойдаланувчиларига тегишли маълумотларни йиғишни тўхтатиш мажбурияти қўйилди. Бу ҳақида Deutche Welle хабар берди. 

"WhatsApp фойдаланувчилари аккаунтларини Facebook'га боғлаш ёки боғламасликни ўзлари ҳал қилишлари керак бўлади. Facebook ҳам бунинг учун ўз навбатида улардан рухсат сўраши керак. Бироқ бундай бўлмади", - дея хабар берди Ҳамбургдаги шахсий маълумотлар ва ахборот эркинлиги ҳимоячиси Йоханнес Каспар.

Facebook'нинг ҳаракатлари "шахсий маълумотлар муҳофазаси ҳақидаги миллий қонуннинг бузилиши" сифатида баҳоланиши таъкидланган.