Япониянинг Infiniti компанияси Россия бозорига кириб келганининг 10 йиллигини нишонлади. Компания байрам тантаналари доирасида Россия бозоридаги ўзининг янги моделлари: Q30, QX30, Q50 ва QX60 машиналарини тақдим этди. Энг асосий янгилик Q60 спорт карининг тақдимоти бўлди. Бу ҳақда компания матбуот хизмати хабар берилган.

Тадбирга актриса Ингеборга Дапкунайте, актёр Алексей Чадов, мусиқачи ва композитор Дмитрий Маликов, бошловчи Аврора, театр режиссёри Андрис Лиепа, шоумен ва қўшиқчи Тимур Родригез меҳмон сифатида ташриф буюришди.

Маълумот учун, Infiniti — япон автомобиль компанияси бўлиб, Nissan Motor компаниясига қарашли. Компания ишлаб чиқараётган моделлардаги Q префикси седанларни, QX — эса кроссовер ва йўлтанламасларни англатади.

2016 йилнинг апрель ойида компания Infiniti Engineering Academy лойиҳасини ишга туширди. Бу дастур Европа ва Россиядаги техника олийгоҳларининг омадли талабалари «Формула-1»да фаолият бошлаши ёки автомобиллар ишлаб чиқарилиши жараёнида иштирок этишини кўзда тутади.