АҚШ фуқароларига 2001 йил 11 сентябрь терактларига алоқадорлик айблови бўйича Саудия Арабистонига қарши Америка судларига даъво беришга рухсат этувчи қонун қабул қилиниши оғир оқибатларни келтириб чиқариши мумкин. Бу ҳақда Марказий разведка бошқармасини (МРБ) бошлиғи Жон Бреннан маълум қилган.

"Бундан энг кўп даражада мамлакат чегараларидан ташқарида хизмат қилаётган давлат хизматчилари зарар кўриши мумкин", деган у.

Унинг сўзларига кўра, агар АҚШ мавжуд стандартларда бошқа мамлакатларни қўллаб-қувватлашда давом этмайдиган бўлса, хориждаги америкаликлар хавф остида қолади.

Бугун АҚШ Сенати Обаманинг 11/9 воқеалари сабаб Саудияга қарши даъво қўзғашга имкон берувчи қонун лойиҳасига ўтган ҳафтада қўйган ветоcини бартараф этгани маълум бўлди.

АҚШда аввалдан Саудия Арабистони "Ал-Қоида"ни, унинг бошлиғи Усама бин Лодинни қўллаб келгани ҳақида айтишади.

Конгресс вакиллар палатаси 10 сентябрь куни АҚШда халқаро террорчи ташкилотлар уюштирган ҳужумлар қурбонлари оиласига уларни қўллаётган давлатларга нисбатан мамлакат ҳудудида даъво қўзғаш ҳуқуқини берувчи ҳужжатни имзолади.

Мазкур ҳужжат расмийларга бошқа давлатларнинг АҚШдаги банк ҳисоб рақамлари ва бошқа активларини музлатиш имконини беради. Май ўрталарида ҳужжат сенат томонидан маъқулланганди.

Ушбу ташаббус туфайли, жумладан, 2001 йилнинг 11 сентябрь терактларида яқинларини йўқотган америкаликлар Саудия Арабистонига қарши даъво қўзғаши мумкин. Терактнинг 19 нафар иштирокчисидан 15 нафари саудиялик бўлган ва улар, тасдиқланмаган маълумотларга кўра, мамлакат расмийлари билан боғлиқ мансабдорлардан ёрдам олган.