Болгария парламенти депутатлари жамоат жойларида юзни беркитувчи кийим кийишни тақиқловчи қонунни қабул қилдилар. Бу ҳақда Bourgas.ru портали хабар бермоқда. 

Қонунга кўра, юзни беркитиб турувчи ниқоб, паранжи, рўмоллар ва бошқа шунга ўхшаш элементлар кийиш тақиқланди.
 
Қоидабузарлар биринчи қоидабузарлик учун 200 лев (100 евро) ва кейинги ҳар бир қоидабузарлик учун 1,5 минг лев (750 доллар) жарима тўлайдилар.

Reuters ахборот агентлигининг маълум қилишича, бу масала бўйича овоз беришда мамлакатдаги туркларни тақдим қилувчи депутатлар иштирок этмади. Уларнинг фикрича, бу қонуннинг амалга оширилиши ахлоқ меъёрларининг бузилиши ва диний тоқатсизликнинг авж олишига олиб келади.     

Ҳукмрон партия тақиқлов диний туйғулар ва анъаналарга тажовуз қилиш билан боғлиқ эмаслиги ҳамда мамлакат хавфсизлик ва видеокузатув самарадорлигини оширишга қаратилгани таъкидлаб ўтилди.

Болгарияда жами 7,2 млн кишидан ислом динига эътиқод қилувчилар 860 минг кишини ташкил қилади. Бу ерда одатда мусулмон аёллар паранжи ёки ҳижоб киймайдилар.