British Airways авиакомпанияси 2017 йил 11 январидан Хитроу ва Гатвик аэропортларига яқин масофали рейсларда эконом-синф учун бепул таомларни бекор қилади, деб маълум қилинди компания сайтида.

Маълум қилинишича, йўловчиларга Marks & Spencer британ компанияси билан биргаликда янги таомлар таклиф қилинади. Қиймати 5 фунт стерлингни ташкил қилувчи бу таомлар вегетариан, глютенсиз ва парҳезбоп бўлади.

Йўловчиларга газаклар, бутербродлар ва 1-5 фунт стерлинглик мевалар тақдим қилинади. Энг арзон алкоголь ичимлиги 4 фунт стерлингга яқин туради. Таомларга пул ўтказиш йўли билан ҳақ тўласа бўлади.      

Таъкидланишича, 2017 йил ёзидан бепул егулик бериш Станстед ва Лондон-Сити аэропортларидан учувчи рейсларда ҳам бекор қилинади.

РИА “Новости” ахборот агентлиги маълумотларига кўра, компания бу чораларни йўловчилар қисқа масофали рейсларда бериладиган таомлардан норозилиги сабабли қабул қилди.