Россиянинг "Краснодар" клуби Европа лигаси гуруҳ босқичининг 2-турида ўз майдонида "Ницца"ни қабул қилди. Учрашув мезбон жамоа фойдасига 5:2 ҳисобида якунланди. "Краснодар" сафида голларни Федор Смолов, Жоаозиньо ва Ари (иккиси ҳам дубль расмийлаштирди) киритди. Француз клуби сафида Марио Балотелли ва Вилан Сиприен ўз ҳисобларига голлар ёзиб қўйишди.

Айни вақтда "буқалар" 6 очко билан I гуруҳида пешқадамлик қилмоқда.

Европа лигаси. I гуруҳи. 2-тур

"Краснодар" (Россия) — "Ницца" (Франция) — 5:2

Голлар: Смолов, 22 (1:0); Жоаозиньо, 33 (2:0); Балотелли, 42 (2:1); Жоаозиньо, 65 (3:1, пен.); Сиприен, 71 (3:2); Ари, 86 (4:2); Ари, 90+3 (5:2).