Жанубий Кореянинг Инҳа Университети делегацияси 25 сентябрдан 30 сентябрга қадар Ўзбекистон аҳолисини тиббий кўрикдан ўтказди. Бу ҳақида Uzdaily нашри хабар берди. 

Делегация таркибига жарроҳ, гастроэнтеролог, педиатр, реабилитолог, ортопед, оториноларинголог, юқумли касалликлар шифокори, фармацевт ва бошқалар киритилган. 

Корея Республикасидан келган шифокорлар Ўзбекистонга ташрифи давомида Тошкент вилояти ҳамда Навоий шаҳри аҳолисига тиббий хизмат кўрсатишди. Ташриф "Соғлом авлод учун" фонди томонидан ташкиллаштирилган. 

Шифокорлар кўрсатмаси билан барча беморларга инсонпарварлик ёрдами сифатида дори-дармонлар тарқатилди.