Париж-2016 автокўргазмасида кутилаётган янгиликлар

Технология 30 Сентябрь 2016 6134

Франция пойтахти Париж шаҳрида бошланган автомобиль кўргазмаси 1-16 октябрь кунлари кенг оммага эшикларини очади. Бироқ, Москва автосалонида бўлгани каби кўпгина ишлаб чиқарувчилар бу ерда ҳам иштирок этмасликка қарор қилишган. 2014 йилги Париж автосалонининг илк ҳафтасида 1,25 млн киши Bugatti, BMW, Maserati ва Mercedes-Benz каби компанияларнинг сўнгги ишланмаларини кўриш учун ташриф буюрган эди. Бу йилда ҳам шунча миқдорда киши келадиган бўлса, уларнинг ҳафсаласи пир бўлиши аниқ. Ахир, ижтимоий тармоқлар кўз юмиб очгунча, янги автомобиллар хусусидаги барча жиҳатларини ошкор қилаётган бугунги кунда, ортиқча сарф-харажатнинг нима кераги бор. 

BMW i8

Яна бир гап, дабдабали автомобиль харид қилишни истаган харидор нимани танлашни, қаерда сотиб олишни жуда яхши билади. Шунга кўра, кўпгина ўта қиммат машина ишлаб чиқарувчилар вақт ва маблағни кўпроқ тежаш йўлларини қидиришмоқда. 

Аммо, бу шу ҳафта дам олиш кунларидан бошланадиган автомобиллар оламидаги йилнинг энг йирик воқеаларидан бирида томоша қилишга арзигулик бирон нарса йўқлигини англатмайди. Дастлабки тахминларга кўра, экологик автомобиллар кўргазма меҳмонларида жиддий қизиқиш уйғотиши мумкин. Айниқса электр кроссоверлар кўпчиликни эътиборини тортиши кутилаяпти. 

Жумладан, BMW ўзининг тўрт эшикли 3 Series Gran Turismo, янги электрли i3, махсус ишлаб чиқилган i8 Protonic Dark Silver модели ва C Evolution электр скутерини намойиш этади. Бундан ташқари, келаси йилдан ишлаб чиқарилиши йўлга қўйиладиган X2 Concept йўлтанламасини ҳам кўриш мумкин бўлади. 

Mercedes AMG GTR

Mercedes ўзининг ажойиб ва агрессив кўринишга эга AMG GT R, AMG GLC43 Coupe, GLC350e Coupe, AMG GT ва GT C Roadster каби моделларини олиб келган. Бундан ташқари, электромобиль лойиҳаси ҳам намойиш этилиши белгиланган. 

Daimler концернининг шўъба корхонаси ҳисобланган Smart компанияси ForTwo ва ForFour электромабилларини харидорлар ҳукмига ҳавола қилади. Porsche эса Panamera моделининг гибрид намунасини тақдим этса, Audi ўзининг 5 Sportback, S5 Sportback, RS ТТ ва Q5 йўлтанламасини олиб келган.

BMW i3

Унинг ёнгинасида жойлашган Bentley, Bentayga йўлтанламасининг янги дизелли намунасини намойиш этади. Land Rover янги авлод Discovery моделини тақдим этса, тезлик ва экология меъёрларини ўзига шиор қилган Tesla ҳам P100D Model X ва Model S моделларининг Европа бозори учун махсус намуналарини ҳавола қилади. Япония автомобилсозлик саноати ҳам бу кўргазмада иштирок этмоқда. Хусусан, Lexus  UX йўлтанламаси лойиҳасини тақдим этади. 

Люкс тоифасига кирувчи машиналар ишлаб чиқарувчи Ferrari LaFerrari Aperta ва GTC4 Lusso моделларига салоҳиятли харидорлар эътиборини тортишга уриниб кўради. 

Land Rover Discovery

Бироқ, Rolls-Royce, Aston Martin, Maserati, Cadillac, McLaren, Fisker, Genesis, Lamborghini ва Bugatti каби йирик брендлар шоуда иштирок этмасликка қарор қилишган. Бундан ташқари, Ford, Mazda ва Volvo каби компаниялар ҳам Париж автосалонида қатнашиш имкониятидан фойдаланмасликларини билдирган. 

LaFerrari Aperta

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 94121 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46078 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51344 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9176 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20023 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 141 Жаҳон
Барселонада “Европанинг исломлашувига” қарши намойиш тарқатиб юборилди
00:40 531 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 389 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1314 Жаҳон
Кўпроқ янгиликлар