ОПЕК мамлакатларининг Жазоирда бўлиб ўтган норасмий учрашувига қадар Саудия Арабистони Эронга махфий битимни таклиф этган, деб ёзмоқда The Wall Street Journal газетаси ўз манбаларига таянган ҳолда. 

Унинг шартларига кўра, Саудия Арабистони бир суткада қазиб олинадиган нефть ҳажмини 400 минг баррелгача қисқартириши мумкин бўлган. Бунинг учун, Эрон бир ойлик нефть қазиб олиш ҳажмини 3,6 млн баррель ҳажмида музлатиши талаб этилган. Бироқ, манбаларнинг сўзларига кўра, Эрон нефть вазири Бижан Зангане келишувдан бош тортган, чунки Теҳрон бу миқдорни 4,2 млн баррелга чиқаришни режалаштирган. 

28 сентябрь куни ОПЕК мамлакатлари нефть қазиб олиш миқдорини 32,5 млн баррелгача қисқартиришга келишиб олишган. Мамлакатлар ноябрь ойидан мажбуриятларини бажаришни бошлайди.