Шимолий Америкада Германиянинг Audi компаниясига тегишли биринчи завод ўз ишини бошлади. У Мексиканинг Пуэбла штати Сан-Хосе-Чьяпа шаҳрида жойлашган бўлиб, 4 300 кишини иш билан таъминлайди. Заводнинг қуввати йилига 150 минг автомобиль ишлаб чиқаришни ташкил этади. Компаниянинг мазкур заводида йиғиладиган илк машинаси шу кунларда тақдимоти бўлиб ўтган Audi Q5 кроссовери бўлади. 

Завод қурилишига 1 млрд евро атрофида маблағ сарфланган. 

«Бизнинг Мексикадаги фабрикамиз Audi компаниясининг «ақлли» заводига яққол мисол бўла олади. У, компьютер симуляцияси ёрдамида фойдаланишга топширилган илк завод бўлди, — дея изоҳ берган Audi бошқаруви аъзоси Хуберт Вальтль. — Биз ишлаб чиқариш жараёнини оптималлаштириб, заводни одатдагидан 30 фоиз тезроқ ишга туширдик».

Таъкидлаш керак, яқингинада Мексикада яна бир автомобилсозлик компанияси – Kia Motors ўз заводини очганди. Йилига 400 000 минг дона ишлаб чиқарилувчи саноат майдонига корейслар 3 миллиард доллар сармоя киритишган.