Буюк Британия ташқи ишлар вазири Борис Жонсоннинг фикрича, Суриядаги вазият туфайли "дунёнинг Россияга нисбатан қараши кескинлашмоқда". Унинг The Sun нашрида эълон қилинган интервьюсида айтишича, Россия "барча ҳазар қилувчи давлат"га айланиши мумкин. 

"Агар улар шундай сиёсатини давом эттиришса, дунё томонидан қўллаб-қувватлаш ва хуш кўришдан маҳрум бўлишлари мумкин", - деб таъкидлаган Жонсон.

Вазирнинг қўшимча қилишича, Буюк Британия ва АҚШ Россияга Суриядаги тутган позициясини ўзгартириши учун босим ўтказиш мақсадида "қатор имкониятларни" кўриб чиқмоқда. Бу хусусан, "2018 йили Россияда бўлиб ўтиши белгиланган футбол бўйича жаҳон чемпионатини Британия расмийлари томонидан бойкот қилишни ҳам кўзда тутади".

Бундан аввалроқ, Россия президенти матбуот котиби Дмитрий Песков "Би-би-си" телеканалига берган интервьюсида Москва ўзига нисбатан илгари сурилаётган айбловлари қабул қила олмайди. 

"Россия Қуролли кучлари халқаро ҳуқуқ доирасида ҳаракат қилмоқда", - деган Песков.