XVJ Xitoy milliy pulini xalqaro valyutalar savatchasiga qo‘shdi

XVJ Ijroiya kengashi Xitoy yuanini SDR savatchasiga qo‘shish to‘g‘risida qaror qabul qildi, deya xabar qilmoqda jamg‘arma axborotnomasida. 

Mazkur qaror 2016 yil 1 oktabridan kuchga kiradi. 

Qayd etilishicha, shunday qilib Xitoy puli ushbu savatchaga kiruvchi beshinchi valyuta bo‘lgan. XVJ kengashi qaroriga ko‘ra, yuanning savatchadagi ulushi 10,92 foizni tashkil etadi.

O‘z navbatida Xitoy xalq banki Xitoy milliy pul birligining SDR savatchasiga kiritilgani va Xalqaro valyuta jamg‘armasining bu boradagi bayonotini olqishlagan, deb xabar qilmoqda RIA «Novosti» agentligi.