“Камолот” ёшлар ижтимоий ҳаракати томонидан велоспортни янада оммалаштириш мақсадида ўтказилаётган “Камолот—Тур” IX ёшлар веломарафони ёшларни баркамол авлод бўлиб вояга етишлари учун ўз ҳиссасини қўшмоқда.

Ҳаракат томонидан 2008 йилдан буён анъанавий тарзда ўтказилаётган “Камолот-ТУР” веломарафони ёшларни спортга, хусусан, велоспортга қизиқишларини ошириш, уларни жисмонан соғлом, руҳан тетик қилиб тарбиялашда муҳим омил бўлиб хизмат қилмоқда. Аҳамиятлиси, мазкур веломарафонда ҳар бир ҳаваскор йигит-қиз ихтиёрий тарзда иштирок этиши мумкин.

“Камолот—Тур” IX ёшлар веломарафонининг Республика босқичи иштирокчилари билан бир сафда старт чизиғидан финишгача бирга ҳаракат қилмоқчи бўлсангиз ва мото ва картинг спорт усталаридан махсус шоуни томоша қилиш истагингиз бўлса, Сизни 2016 йил 2 октябрь куни соат 8:00 да Нукус кўчасида кутиб қоламиз. 

Марафон иштирокчилари техник соз велосипед ва ҳимоя каскасида бўлиши лозим. 
“Камолот—Тур” IX ёшлар веломарафонининг Республика босқичи ғолибларини тақдирлаш маросими Пахтакор спорт мажмуасида бўлиб ўтади.

"Камолот" ЁИҲ фаоли Улуғбек Ғаниев