Шотландия чемпионатининг 8-турида  «Партик»ка қарши ўйин томошаси учун йўл олган «Рейнджерс» жамоаси мухлислари автобуси жиддий йўл транспорт ҳодисасига йўлиқди.

Авария Килмарнок шаҳри яқинида, айлана йўл чорраҳасида рўй берган. Автобус чап ёнга ағдарилиб тушган.

Автобусда ҳайдовчи билан қўшиб ҳисоблаганда 37 киши бўлган. ЙТҲ оқибатида 39 ёшли йўловчи ҳалок бўлган, яна 18 киши жароҳатланган. Бир қанча оғир аҳволдаги йўловчилар вертолёт орқали шифохонага олиб кетилган.

Жамоа ҳалок бўлган мухлисининг оиласига ҳамдардлик билдирган, жамоа футболчилари ғалабани марҳумга бағишлашган.

Манба: Tribuna.uz