Туркия президенти Ражаб Тоййиб Эрдўған ЕИни ўз мажбуриятларини адо қилмаётганликда танқид қилди. Унинг сўзларига кўра, ташкилот Анқара ва Брюссель ўртасида эришилган келишувнинг қочоқларга реадмиссия бўйича бандига риоя қилмаяпти. Хусусан, гап 3 млрд евро ҳақида бормоқда. ЕИ қочқинларга Туркияда кўмак бериш мақсадига шунча маблағ ўтказиши лозим эди. 

«Йил якунланиб бормоқда...Улар (ЕИ) ваъда беришмоқда, аммо бажаришмаяпти», — дея Эрдўған сўзларини келтирган Reuters агентлиги. 

Ўз навбатида, Еврокомиссиянинг маълум қилишича, Туркия билан муҳожирлик келишувидаги харажатлар бир мирталик тўлов эмас, балки аниқ лойиҳалар ижроси ниҳоясида тўланадиган маблағлардир. 

Туркия ва ЕИ ўртасидаги қочоқларни реадмиссия қилиш тўғрисидаги 2016 йил мартида имзоланган битимга кўра, Анқара ўз ҳудудида ЕИ томонидан чиқариб юборилаётган қочқинларни қабул қилади. ЕИ эса, мазкур муҳожирларни жойлаштириш эвазига 3 млрд евро миқдорида ёрдам пули ваъда қилган эди.