Londonning "Arsenal" klubi muxlislari ketayotgan poyezd sigirlar podasini urib yubordi

Londonning "Arsenal" klubi muxlislari ketayotgan yo‘lovchi poyezdi 2 oktabrda Piterboro shahri yaqinida sigirlar podasini urib yubordi. Oqibatda 11 ta sigir nobud bo‘ldi, deb xabar bermoqda Mirror nashri.

Nashr ma'lumotlariga ko‘ra, poyezd yo‘lovchilaridan hech kim jabrlanmagan. Ta'kidlanishicha, voqeadan keyin poda egalari yana 15 ta sigirni topisha olmayapti. 

Kanonirlar muxlislari Angliya chempionatining 7-turidan o‘rin olgan "Byornli"ga qarshi uchrashuvga ketishayotgan bo‘lgan. Uchrashuv 0:1 hisobida "Arsenal" foydasiga hal bo‘ldi.

London klubining muxlislaridan biri tvitterda 15 yil ichida birinchi marta sevimli klubi o‘yinini poyezdning sigirlar bilan to‘qnashishi oqibatida o‘tkazib yuborishi mumkinligini yozgan. Biroq natijada muxlis futbol uchrashuviga ulgurgan.