Россиянинг мусулмонлар диний идораси (МДИ) Москва шаҳрида янги масжид қурилишга доир музокаралар олиб бормоқда. Бу ҳақида Россия мусулмонлари диний бошқармаси раҳбари биринчи ўринбосари Рушан Аббясов хабар берди

"Масжидлар қурилиши мамлакатнинг барча ҳудудлари учун долзарб масаладир. Инқилобга қадар Россияда тахминан 15 минг маданий объект бўлган, 1991 йилга келиб, уларнинг сони 100дан камайган. Бугун биз пойтахтликлар учун яна бир катта масжид қуриш мақсадида Москва ҳукумати вакиллари билан ишчи тартибда майдон излаяпмиз, бу лойиҳа янги Москва ҳудудида амалга оширилиши эҳтимоли бор", - дея маълум қилди Аббасов. 

Шунингдек, у ҳозирда кўплаб шаҳарларда олиб борилаётган масжидлар қурилишлари жуда муҳим аҳамиятга эга эканлигини таъкидлади. 

Аббасовнинг сўзларига кўра, Москвада 4 масжид фаолият кўрсатмоқда, Россия ва Европадаги энг йирик ва баланд масжидлардан бири ҳисобланган Москва масжиди шулар жумласидандир. Унинг илк биноси 1904 йилда қурилган, 2011 йилда эса янги лойиҳа бўйича қурилиш учун бузилган. Ушбу масжид 2015 йилнинг 23 сентябрида очилган. У бир вақтнинг ўзида 10 000 нафаргача кишини сиғдира олади.