“Толибон” радикал ҳаракатининг жангарилари 3 октябрь куни Афғонистон жанубидаги Ҳилманд провинциясида жойлашган Нава тумани устидан назорат ўрнатишди. Бу ҳақда маҳаллий 1TV телеканали хабар бермоқда.

Каналнинг маълум қилишича, Нава тумани Ҳилманднинг энг хавфсиз жойларидан бири ҳисобланган. Аммо сўнгги пайтларда жангариларнинг ҳаракатлари оқибатида нотинчлик юзага келган эди.

Маълум қилинишича, толибларнинг ҳужуми оқибатида маҳаллий полиция бошлиғи Аҳмад Шоҳ вафот этган.