Австралияда полиция юзига тупурганлик учун 14 йилга озодликдан маҳрум этилади

Жамият 04 Октябрь 2016 4316

Австралия ҳукумати ҳуқуқ-тартибот муассасалари ходимларига ҳурматсизлик қилиш учун полиция юзига тупурганликка 14 йилга озодликдан маҳрум этишгача қатъий жазо чоралари киритмоқчи. The Daily Telegraph нашрининг Янги Жанубий Уэльс штати адлия вазири Трой Грантга иқтибос келтирган ҳолда маълум қилишича, ҳукумат шу тариқа полициячиларга уюштириладиган бундай "жирканч" ҳужумларга чек қўймоқчи.

"Бундай туфлашлар полициячиларни оддий ҳаёт тарзидан чиқаради, чунки улар тупук орқали жиддий зарарланишни аниқлаши мумкин бўлган тиббий таҳлиллар натижаларини хавотир билан кутишларига тўғри келади", деб айтди Грант.

Маҳаллий ҳуқуқ-тартибот муассасалари ишчилари уюшмаси президенти Скот Вебернинг айтишича, экспертиза давомида баъзи зобитлар тахминий зарарланиш яқин атрофдагиларга юқиши мумкинлигидан хавотирланиб, "ўзларини ўз рафиқалари ва фарзандларидан узоқроқ тутишга мажбур бўлганлар".

Расмий статистикага кўра, ўтган йилдан бошлаб Янги Жанубий Уэльс ҳудудида полициячиларга минглаб тупуриш орқали ҳурматсизлик қилиш ҳолатлари қайд қилинган. Баъзи ҳибсга олинувчилар ҳаво-томчи йўли билан бериладиган хавфли вирус касалликлари ташувчилари бўлишлари мумкин.

Журналистлар томонидан сўралган кўпчилик полициячиларнинг айтишича, улар учун юзга тупуриш мушт егандан ёмонроқдир. Ҳукумат маълумотларига кўра, ҳар йили тахминан 50 полициячи қоидабузарлар томонидан тишлаб олинади, 20 га яқини санчувчи қурол сифатида тиббий шприц қўлланган ҳолда ҳужумга учрайди. 

Жорий йил бошида Беренс фамилияли 42 ёшли полициячига ўз жонига қасд қилмоқчи бўлган гиёҳвандликдан азият чекувчи аёлдан касалланган-йўқлигини кўрсатиши керак бўлган тиббий таҳлиллар натижаларини уч ой давомида хавотир билан кутишига тўғри келган. Полициячи аёлга балкондан сакрашига йўл қўймаган, аёл эса қаршилик кўрсатиб, полициячига тупурган, уни тишлаган ва ҳаттоки тирнаган. Беренснинг айтишича, у 18 йиллик хизмати давомида бундай ҳужумларга саноқсиз марта учраган. "Агар бундай қонун мавжуд бўлганда, ҳаммаси анча яхши бўларди", деб таъкидлаб ўтди полициячи.

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 35553 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 74706 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11258 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 140010 Жамият
Ироқ бош вазир: Талл-Афорда ИШИДга қарши ҳужум бошланди
09:12 9 Жаҳон
БМТ бош котиби Финляндиядаги терактни қоралади
09:07 24 Жаҳон
АҚШда юк машинасининг музлатиш камерасидан 60 нафар мигрант топилди
09:03 226 Жамият
Хитой соҳиллари яқинида иккита балиқ овловчи кема тўқнашиб кетди
08:53 231 Жамият
Исроил бош вазири Владимир Путин билан яқин кунларда учрашишни мўлжалламоқда
08:43 397 Жаҳон
Тинч океанида 1945 йилда чўктириб юборилган АҚШ крейсери топилди
08:34 1788 Жаҳон
Кўпроқ янгиликлар