АҚШ вице-президенти Жо Байден мамлакат президентлиги учун Республикачилар партиясидан номзод бўлмиш Дональд Трампни қолоқ киши дея атади.

"У ёмон одам эмас, лекин у ўта қолоқ одам", деган Байден Трамп ҳақида СNN эфирида.

Бундан ташқари, Байден Тармпни унинг ўз рақиблари билан омма қаршисида жанжаллашмоқчи бўлишини қоралаган.

"Сиз президент ярим кечаси твиттерда заҳарли изоҳлар ёздириб қолишини ақлингизга сиғдира оласизми?", деган Байден.

Трамп ўтган ҳафтада соат 3:30дан тонгги соат 5:30гача Ҳиллари Клинтонни қўллаб-қувватлаётган фотомоделга қарши твитлар битиб, ўзининг 20 миллионлик тарафдорини ушбу моделнинг қилмишларини фош этишга чақирганди.

Байден шунингдек, Трампнинг Россияга мойиллигини, солиқ ҳисоботларини ошкор қилишдан бош тортганини ва марҳум ҳарбийларнинг оила аъзолари билан жанжаллашганини танқид қилган.