Hurwitz-James кўчмас мулк агентлиги Парижнинг 16-округидаги квартирани таклиф қилмоқда. Квартирадан Эйфел минорасига ажойиб манзара очилади. 

Таклиф қилинаётган икки қаватли пентхаус 8 та ётоқхона, 10 та ванна, лифт, спа ва сауна билан жиҳозланган. Квартиранинг умумий майдони 800 метр квадратни ташкил қилади. Квартира ар-деко даврига мансуб уйнинг юқори қаватларида жойлашган. Квартира ертўласида қимматбаҳо нарсаларни сақлаш учун зирҳланган эшикли учта секция ва автомобиллар учун гараж жойлашган. Квартира 45 млн ерога баҳоланган ва тахмин қилинишича, Париждаги энг қимматбаҳо квартира ҳисобланади.

Айни вақтда Париж яшаш учун энг қиммат шаҳарлар рўйхатида 5-ўринни эгалламоқда ва бу борада Токио, Лондон, Гонконг ва Нью-Йоркдан кейинги ўринни эгалламоқда. Москва, маълумотларга кўра, энг қиммат шаҳарлар орасида 15-ўринни эгалламоқда. Агентлик маълумотларига кўра, Москвада энг қиммат квартира 37 млн евро туради.