Istanbulda mem-mushuk haykali o‘rnatildi

Istanbulda yo‘l chetiga suyanib o‘tirgan Tombili mushugiga haykal o‘rnatildi. Bu haqida Hurriyet nashri xabar berdi. 

Manbaga ko‘ra, ko‘plab memlarga sabab bo‘lgan Tombilining surati aynan shu holatda aks ettirilgan bo‘lgan. Joriy yilning avgustida mushuk hayotdan ko‘z yumganidan so‘ng mahalliy aholi change.org'da petitsiya uchun imzo to‘play boshlashdi, ular Kadikey munitsipalitetidan mashhur mushukka haykal o‘rnatish talabi bilan chiqishgan. 

4 oktabr kuni shaharda bronzadan yasalgan mushuk haykali paydo bo‘ldi, uning o‘rnatilishi Umumjahon hayvonlarni himoya qilish kuniga bag‘ishlangan.