4 октябрь эрталаб Малайзия шарқидаги Тавау шаҳридаги мактаблардан бирининг томига бортида 14 ҳарбий бўлган Sikorsky S-61 вертолёти қулаб тушди, деб хабар бермоқда "Синьхуа" ахборот агентлиги. 

Вертолёт бортида бўлганлардан фақатгина учувчи арзимас жароҳатлар олган. Бу орада мактабдаги 7 ўқувчи ва яна бир эркак жароҳатлар билан зарур ёрдам олиш учун шифохонага жўнатилганлар, деб маълум қилди Тавау полицияси бошлиғи ёрдамчиси Фадиль Маркус.

Таъкидланишича, вертолёт Сабоҳ штати бўйлаб учаётганда учувчи бошқарувни йўқотган.