Moskvaning TsSKA jamoasi prezidenti Yevgeniy Giner jamoani sotish haqida o‘ylamoqda. Bu xaqda armiyachilar klubidagi manbaga asoslangan holda "Sovetskiy Sport" xabar tarqatgan.
"Ginerning boshida TsSKAni sotish fikri paydo bo‘lgan", degan manba.
"Giner Rossiya futbol jamoatchiligida katta nufuzga ega shaxs hisoblanadi. U klubda bundan ham muhim o‘rinni egallaydi, usiz jamoani boshqarish juda qiyin bo‘ladi", deya qo‘shimcha qilingan xabarda.
Giner moliyaviy muammolar tufayli TsSKAni sotishga majbur bo‘layotgani aytilgan. Xabar qilinishicha, 2015/16 yilgi mavsum uchun futbolchilar oldida qarzdorlik bor. Qayd etish kerakki, o‘tgan mavsumda jamoa yana bir marta Rossiya chempionatida g‘olib chiqqandi.
Giner 2001 yildan buyon TsSKA prezidenti hisoblanadi. Bu vaqt davomida klub 6 marta Rossiya chempionligiga, 7 marta - Rossiya Kubogiga, 6 marta - Rossiya Superkubogiga, 1 marta - UYeFA Kubogiga ega chiqqan. Sentyabr oyida TsSKAning yangi, 30 ming tomoshabinga mo‘ljallangan stadioni foydalanishga topshirilgandi.
