Туркия ҳукумати 12,8 минг полиция ходимини ишдан бўшатган. Бу ҳақда 4 октябрь куни CNN Turk хабар берган.

Улар Фатҳуллоҳ Гулен назорати остидаги тузилма ва ташкилотлар билан алоқадорликда гумон қилинган. Улардан 2,5 минг нафари раҳбар лавозимларида фаолият юритган.

Жорий йилнинг 15 июль куни Туркияда давлат тўнтаришга ҳаракатдан сўнг мамлакатда ялпи тозалаш ишлари бошланди. Ҳукумат, давлат бошқаруви, суд, таълим соҳаси муассасаларида, армия ва махсус хизматларда ўн минглаб амалдор ва ходимлар ишдан бўшатилди. Шу бугунга қадар ҳибсга олинганлар сони 32 минг нафардан ошган.