АҚШда 18 ёшли ўзбекистонлик қотиллик қурбони бўлди

Жамият 05 Октябрь 2016 58606

АҚШнинг Мэриленд штатида 2 октябрь куни ўзбекистонлик талаба йигит, 18 ёшли Сардор Файзиев отиб ўлдирилди. Бу ҳақда Uz-Rek.com сайтида АҚШдаги ўзбек муҳожирларига асосланиб хабар берган.

Марҳум ўзбекистонлик бўлиб, Рейстерстаундаги Franklin High School ўқув юртида таълим оларди. Унинг оиласи 2006 йилда Америкага кўчиб борган ва Мэрилендда истиқомат қилган. У оиладаги ягона ўғил эди, эндиликда бу оилада 2 қиз фарзанд қолди.

Полиция маълумотига кўра, Рейстерстаун туманида, куннинг кеч вақтида 18 ёшли Сардор Файзиев 2 дўсти билан машинада ўтирганида, номаълум қора танли жиноятчи томонидан бошига ўқ узилиши оқибатида жон берган.

Аниқлик киртилишича, машинада ўтирган йигитлар олдига бошқа бир гуруҳ келган. Тезда улар ўртасида низо чиққан ва келганлардан бири Сардорнинг бошига ўқ узган. Шундан сўнг ҳужум қилганлар ўз машиналарига ўтириб, воқеа жойини тарк этган.

Сардорнинг дўстлари полиция ва “тез ёрдам” чақиришган. Оғир аҳволдаги йигит Мэриленд университети госпиталига олиб борилган. Шифокорлар унинг ҳаётини сақлаб қола олишмаган. Ўлим сабаби сифатида мия фаолиятининг тўхтагани қайд этилган.

Полиция Сардор Файзиевнинг ўлимида гумон қилинганлардан бирини қўлга олган ва яна 2 шахсни қидиришда давом этмоқда.

Детективлар 20 ёшли Брайн Лионель Гонсалесни қотилликдаги асосий гумонланувчи сифатида баҳолашмоқда. Гонсалес қотиллик ва ҳужум уюштиришда айбланмоқда. Ҳозирда у Балтимор округи қамоқхонасида гаров эвазига озодликка чиқиш ҳуқуқидан маҳрум этилган ҳолатда сақланмоқда.

Терговчилар бу қотиллик аввалдан режалаштирилган ҳолда содир этилгани гумони юзасидан қидирув ишларини давом эттирмоқда.

Марҳумнинг ота-онаси унинг жасадини Тошкентга олиб келишга қарор қилишган.

Ҳозирда Ўзбекистоннинг АҚШдаги элчихонаси ёрдамида марҳумнинг жасадини ватанига қайтариш учун талаб қилинадиган ҳужжатлар расмийлаштирилмоқда.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 28962 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42054 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 157954 Жамият
Кун.uz офис изламоқда
15:48 / 06.08.2017 44831 Lifestyle
Эрдўған Ғарбнинг Яқин Шарқдаги сиёсатини танқид остига олди
00:02 15 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 73 Жамият
Афғонистонда бир кун ичида 100 дан ортиқ жангари йўқ қилинди
23:34 / 20.08.2017 495 Жаҳон
Видео: Моғор организмингизга тушса, нима бўлади?
23:32 / 20.08.2017 1567 Lifestyle
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 1812 Жамият
РФПЛ. «Зенит» яна ғалаба қозонди, Афонин тўлиқ ўйнаган ўйинда «Анжи» йирик мағлубиятга учради
23:02 / 20.08.2017 471 Спорт
Кўпроқ янгиликлар